საქართველოს ეროვნული საფეხბურთო ნაკრები უეფას ერთა ლიგის მეხუთე ტურის შეხვედრას უნგრეთის ნაკრების წინააღმდეგ გამართავს.

მატჩი 14 ნოემბერს ჩატარდება. თამაში 21:00 საათზე დაიწყება და მიხეილ მესხის სახელობის სტადიონი უმასპინძლებს.

გულშემატკივრებისთვის საქართველო-უნგრეთის თამაშზე დასასწრები ბილეთების გაყიდვა 19 ოქტომბერს, 12:00 საათზე დაიწყება.

ბილეთების შეძენა მსურველებს ონლაინ: BILETEBI.GE-ზე შეეძლებათ. მატჩზე დასასწრებად ხელმისაწვდომი იქნება ოთხი კატეგორიის ბილეთი, რომელთა ფასიც 20-დან 100 ლარამდეა. ერთ მომხმარებელს მაქსიმუმ სამი ბილეთის შეძენა შეეძლება.