ამერიკის შეერთებული შტატების საელჩოს სახალხო დიპლომატიის ოფიცერი სარა კრეიგელი, გორის კულტურის სააგენტოს ხელმძღვანელებს და საჯარო სკოლების მოსწავლეებს შეხვდა.

სარა კრეიგელმა, ამერიკული სივრცეების კურატორებთან ერთად, შეხვედრაზე მოსწავლე-ახალგაზრდების ინტერესებზე, საჭიროებებზე ისაუბრა და სამომავლო გეგმები განიხილა.

საშობაო ტრადიციებთან დაკავშირებით, უფროსკლასელებთან პრეზენტაციაც მოეწყო. შეხვედრა კითხვა-პასუხის რეჟიმში წარიმართა.

საელჩოს წარმომადგენელმა ინგლისური ენის შემსწავლელი კლუბის მოსწავლეებს სერტიფიკატები და საშობაო საჩუქრები გადასცა.