საზოგადოება
22.01.2024 10:36
სოხუმის ხელოვნების გალერეის ცენტრალურ საგამოფენო დარბაზში გაჩენილი ხანძრის შედეგად 4000-ზე მეტი ნამუშევარი განადგურდა
ოკუპირებულ სოხუმში, ხელოვნების გალერეის ცენტრალურ საგამოფენო დარბაზში ღამით გაჩენილი ხანძრის შედეგად გალერეაში დაცული 4000-ზე მეტი ნამუშევარი განადგურდა.
ოკუპირებული აფხაზეთიე ე.წ. კულტურის მინისტრის ინფორმაციით, გალერეაში ინახებოდა აფხაზ ხელოვანთა „ოქროს ფონდი“.
დინარა სმირნის ინფორმაციით, ნამუშევრების დიდი ნაწილი ხანძრის შედეგად დაიწვა, ნაწილი კი ცეცხლის ქრობის პროცესში წყლის ჭავლით განადგურდა.
შემთხვევის ადგილზე ოკუპირებული აფხაზეთის თვითგამოცხადებული რესპუბლიკის ე.წ. პრეზიდენტი ასლან ბჟანიაც იმყოფებოდა, რომელმაც ე.წ. გენერალურ პროკურატურას ხანძრის გამომწვევი მიზეზების უმოკლეს დროში დადგენა დაავალა.
სოხუმის ხელოვნების გალერეაში გაჩენილი ხანძრის შესახებ ინფორმაციას როგორც Apsnypress-ი ავრცელებს.
