საზოგადოება
26.03.2024 11:26
საქართველოს მაღალმთიან ზონაში თოვს, საავტომობილო გზების გარკვეულ მონაკვეთებზე შეზღუდვებია დაწესებული
საქართველოს მაღალმთიან ზონაში დილიდან თოვს. გარემოს ეროვნული სააგენტოს ცნობით, ბაკურიანში, გუდაურში, რაჭაში, მესტიასა და გოდერძის უღელტეხილზე თოვა გვიან ღამემდე შენარჩუნდება.
რაც შეეხება უამინდობის გამო გზებზე არსებულ მდგომარეობას, საავტომობილო გზების დეპარტამენტის ინფორმაციით, ძლიერი თოვის გამო, შიდასახელმწიფოებრივი მნიშვნელობის ქუთაისი (მოწამეთა)-ტყიბული-ამბროლაურის საავტომობილო გზის კმ. 39-კმ. 62 (ნაქერალას უღელტეხილი) მონაკვეთზე, აკრძალულია მისაბმელიანი და ნახევრადმისაბმელიანი ავტოტრანსპორტის მოძრაობა, ხოლო დანარჩენი სახის ავტოტრანსპორტის გადაადგილება თავისუფალია.
მცხეთა–სტეფანწმინდა–ლარსის საავტომობილო გზის გუდაური–კობის მონაკვეთზე, ზვავსაშიშროების საფრთხის გამო, აკრძალულია ყველა სახის ავტოტრანსპორტის მოძრაობა
