გორის მუნიციპალიტეტის სოფელ საქაშეთის დევნილთა დასახლებაში საგზაო ინფრასტრუქტურის მოწყობა გრძელდება.

სარეაბილიტაციო სამუშაოები დასახლების ყველა ქუჩაზე მიმდინარეობს. ასფალტის საფარი 2 620 მეტრზე დაიგება.

ადგილობრივი თვითმმართველობის ცნობით, პროექტის მიხედვით ტრანსპორტის სავალ ნაწილთან ერთად, სანიაღვრე არხებიც მოეწყობა.

სამუშაოები რეგიონებში განსახორციელებელი პროექტების ფონდის და გორის მერიის თანადაფინანსებით ხორციელდება და მისი ღირებულება 1 499 498 ლარია.

როგორც მერიაში აცხადებენ, საქაშეთის დევნილთა დასახლებაში ასფალტის საფარი და სანიაღვრე არხი არასდროს ყოფილა, რაც მოსახლეობას პრობლემებს უქმნიდა.