კორონავირუსის გავრცელების პრევენციისა და მრევლის უსაფრთხოების უზრუნველყოფის მიზნით, მთელი ქვეყნის მასშტაბით, ეკლესიების დეზინფექცია დღეიდან მასშტაბურ სახეს მიიღებს.

როგორც საქართველოს საპატრიარქოში აცხადებენ, დაავადებათა კონტროლის ეროვნული ცენტრის რეკომენდაციები სრულად გაითვალისწინეს და ტაძრები და მიმდებარე ტერიტორია სპეციალური ხსნარით დამუშავდება. ამასთან, ტაძრებში ყოველდღე სველი წესით სუფთავდება სამლოცველოების შიდა და გარე ტერიტორია, სპირტიანი ხსნარით გაიწმინდება ხატები და ყველა კუთხე საფუძვლიანად დამუშავდება.

საქართველოს საპატრიარქოს ცნობით, ზიარების წესში ცვლილების შეტანა და ერთჯერადი კოვზების გამოყენება არ იგეგმება.