საზოგადოება
13.03.2020 21:23
კორონავირუსის გავრცელების პრევენციის მიზნით, შიდა ქართლის გუბერნიაში საკონსულტაციო საბჭოს სხდომა ონლაინ რეჟიმში გაიმართა
შიდა ქართლის გუბერნატორმა გიგი ხოჯევანიშვილმა საკონსულტაციო საბჭოს მორიგი სხდომა გამართა.
კორონავირუსის გავრცელების პრევენციის მიზნით არსებული რეკომენდაციების გათვალისწინებით, საკონსულტაციო საბჭოს სხდომა ონლაინ რეჟიმში გაიმართა, სადაც შიდა ქართლის რეგიონში შემავალი მუნიციპალიტეტების მერებმა და საკრებულოების თავმჯდომარეებმა მიიღეს მონაწილეობა.
მხარის რწმუნებული რეგიონში მიმდინარე პროექტებით დაინტერესდა.
რეგიონში განსახორციელებელ 16 პროექტზე მსჯელობის შემდეგ, გიგი ხოჯევანიშვილმა აღნიშნა, რომ გორის, ქარელის, ხაშურის და კასპის მუნიციპალიტეტებში დაგეგმილი პროექტები, რომლებიც სასმელი და სარწყავი წყლის სისტემების, საგზაო ინფრასტრუქტურის მოწესრიგების, გარე განათების, ქუჩების რეაბილიტაციის სამუშაოებს მოიცავს, შეუფერხებლად მიმდინარეობს.
