„საზაფხულო ტურისტულ-გამაჯანსაღებელი ბანაკი 2024“ დასრულდა, - გორის მუნიციპალიტეტის მერიის დაფინანსებით, ბიისის ბანაკმა 500-ზე მეტ ახალგაზრდას უმასპინძლა.

„გორის მაცნეს“ ინფორმაციით, აღნიშნული პროექტი უკვე რამდენიმე წელია ასოციაცია „ტონთიოსთან“ თანამშრომლობით ხორციელდება. ბანაკი 14-18 წლის ასაკის მოზარდებს 5  დღით მასპინძლობს.

ამ პერიოდის განმავლობაში პროექტის ბენეფიციარები სწავლობენ საველე პირობებში - კარვებში ცხოვრებას, მონაწილეობენ როგორც ლაშქრობებში, ასევე, სპორტულ, კულტურულ და შემეცნებით ღონისძიებებში.