სეზონური გრიპის საწინააღმდეგო ვაქცინაცია დღეიდან, 4 ნოემბრიდან,  ყველა მოქალაქისთვის უფასოა.

დევნილთა, შრომის ჯანმრთელობისა და სოციალური დაცვის სამინისტროს ინფორმაციით, იმუნიზაცია Abbott Biologicals B.V.-ის წარმოების, ოთხკომპონენტიანი ვაქცინით მიმდინარეობს, რომელიც ერთ-ერთია ჯანმოს მიერ რეკომენდებულ ვაქცინებს შორის.

ვაქცინა მორგებულია იმ შტამებზე, რომელთა ცირკულაცია მოსალოდნელია გრიპის სეზონზე.

რაც შეეხება აცრის კაბინეტებს, მსურველებს ვაქცინაციის ჩატარება, გორის მუნიციპალიტეტის მასშტაბით, ორ ლოკაციაზე - გიორგი აბრამიშვილის სახელობის საქართველოს თავდაცვის სამინისტროს სამხედრო ჰოსპიტალსა და „გორმედში“ შეუძლიათ.