საზოგადოება
08.01.2025 16:45
საახალწლო ღონისძიებების ფარგლებში, გორის მუნიციპალიტეტის მერიამ 1800-მდე ბავშვს უმასპინძლა
საახალწლო ღონისძიებების ფარგლებში, გორის მუნიციპალიტეტის მერიამ სოციალურად შეჭირვებულ ოჯახებში მცხოვრებ პატარებს უმასპინძლა. კულტურის ცენტრში გამართულ საახალწლო წარმოდგენებს 1800-მდე ბავშვი დაესწრო და საჩუქრად ტკბილეული მიიღო.
პატარა მაყურებლისთვის საშობაო ნაძვის ხის ზღაპარი - „სიზმარა“კულტურის განვითარების სააგენტოს ახალგაზრდობისა და კულტურის განვითარების ხელშეწყობის განყოფილების ორგანიზებით მომზადდა.
ღონისძიებაში კულტურის ცენტრის ბაზაზე არსებული ვოკალური და ქორეოგრაფიული წრეების მოსწავლეები მონაწილეობდნენ.
ორგანიზატორების ინფორმაციით, სოციალურად დაუცველი ოჯახების პატარებისთვის, საახალწლო ღონისძიებები გორის მუნიციპალიტეტის მერიის და კულტურის განვითარების ხელშეწყობის სააგენტოს მიერ ყოველწლიურად იმართება.
