2024 წლის დეკემბერში, წინა წლის შესაბამის პერიოდთან შედარებით, რეალური მთლიანი შიდა პროდუქტის (მშპ) ზრდამ6.7 პროცენტი შეადგინა, ხოლო2024 წლის საშუალო რეალური ზრდა9.5 პროცენტით განისაზღვრა, - საქართველოს სტატისტიკის ეროვნული სამსახური წინასწარ შეფასებას აქვეყნებს.

უწყების ინფორმაციით, 2024 წლის დეკემბერში, წინა წლის შესაბამის პერიოდთან შედარებით, ზრდის მიმართულებით მნიშვნელოვანი წვლილი შემდეგმა დარგებმა შეიტანა: საფინანსო და სადაზღვევო საქმიანობები, პროფესიული, სამეცნიერო და ტექნიკური საქმიანობები, ტრანსპორტი და დასაწყობება, ვაჭრობა, ინფორმაცია და კომუნიკაცია. კლების ტენდენცია კი დამამუშავებელი მრეწველობის და სასტუმროების და რესტორნების სექტორში დაფიქსირდა.