ახალგაზრდობის სააგენტომ ახალგაზრდულ ბანაკებში ლიდერის პოზიციაზე კანდიდატის შესარჩევად კონკურსი გამოაცხადა.

პროექტში მონაწილეობა უმაღლესი საგანმანათლებლო დაწესებულების ან პროფესიული სასწავლებლის სტუდენტს/კურსდამთავრებულს შეუძლია.

ორგანიზატორების ინფორმაციით, განაცხადების მიღება 24 აპრილის ჩათვლით გაგრძელდება.

„თუ ხარ 20-30 წლის, კომუნიკაბელური, კრეატიული, გაქვს დროის მართვის, გუნდური მუშაობის, გადაწყვეტილების სწრაფად და ეფექტიანად მიღების უნარი, გამოიყენე შანსი, გახდე ახალგაზრდული ბანაკის ლიდერი!

შესარჩევი კონკურსი მოიცავს შემდეგ ეტაპებს: ლიდერობის მსურველთა მიერ გამოგზავნილი დოკუმენტაციის განხილვა/გადარჩევა; შერჩეულ კანდიდატებთან გასაუბრება. შერჩეული პირები გაივლიან ტრენინგს საჭირო უნარ-ჩვევების შესაძენად“, - აცხადებენ სააგენტოში.

დაინტერესებულ პირებს, პროექტის შესახებ დამატებითი ინფორმაციის გაცნობა ახალგაზრდობის სააგენტოს ოფიციალურ ფეისბუქგვერდზე შეუძლიათ.