სახელმწიფო აგროდაზღვევის პროგრამის ბენეფიციარების რიცხვი მზარდია, - ინფორმაციას აღნიშნულის შესახებ გარემოს დაცვისა და სოფლის მეურნეობის სამინისტრო ავრცელებს.  

უწყების ინფორმაციით, ბოლო მონაცემებით, 5 000-ზე მეტ ფერმერს 127 მლნ. ლარზე მეტი ღირებულების მოსავალი აქვს დაზღვეული.

„სახელმწიფო აგროდაზღვევის პროგრამა 10 წელზე მეტია მოქმედებს და პროგრამით გათვალისწინებულ ყველა კულტურაზე სადაზღვევო პრემიის 70%-ის თანადაფინანსებას მოიცავს.

თუ დაზღვევის ობიექტი გამყოფი ხაზის მიმდებარე სოფლებში მდებარეობს, სოფლის განვითარების სააგენტოს მიერ გადასახდელი სადაზღვევო პრემიის წილი დამატებით 5%-თ განისაზღვრება“, - აცხადებენ სამინისტროში.