ვაჟა-ფშაველას სახელობის გორის №9 საჯარო სკოლის გუნდმა STEM ოლიმპიადაზე მესამე ადგილი დაიკავა.

სკოლის ადმინისტრაციის ცნობით, საგანმანათლებლო პროექტის ფინალში პირველი ტურის მიხედვით გამოვლენილი ათი საუკეთესო შედეგის მქონე გუნდი მონაწილეობდა.

STEM ოლიმპიადაზე №9 საჯარო სკოლის გუნდი შემდეგი შემადგენლობით მონაწილეობდა: თემური გალუსტიანცი, ნინი მაისურაძე, სალომე გოგოლაძე, ლიკა ბაზანდარაშვილი და ნინო ოთინაშვილი (მენტორი: მათემატიკის მასწავლებელი ნინო რაზმაძე).

STEM ოლიმპიადა საქართველოს ბანკის და კომაროვის სკოლის ერთობლივი საგანმანათლებლო პროექტია, რომლის მიზანი საქართველოში ზუსტი და საბუნებისმეტყველო მეცნიერებების ხელმისაწვდომობის და პოპულარიზაციის ხელშეწყობაა.