გარემოს ეროვნული სააგენტოს ინფორმაციით, მომდევნო 10 დღის განმავლობაში, გორის მუნიციპალიტეტის მთელ ტერიტორიაზე ჰაერის ტემპერატურის კლება და არასტაბილური ამინდია ნავარაუდევი.

რაც შეეხება ამინდის დეტალურ პროგნოზს:

4 სექტემბერს, გორში, ჰაერის მაქსიმალური ტემპერატურა +26 გრადუსს მიაღწევს, დღის მეორე ნახევარში კი მოსალოდნელია ხანმოკლე წვიმა.

დღისით +27 გრადუსი, ნაწილობრივ ღრუბლიანი ამინდი და 15 საათისთვის ხანმოკლე წვიმაა ნავარაუდევი გორში 5 სექტემბერს.

მზიანი ამინდი და +28 გრადუსი დაფიქსირდება 6 სექტემბერს, 7-დან 12 სექტემბრის ჩათვლით კი, ჰაერის ტემპერატურა მკვეთრად დაიკლებს (დღის საათებში +20-22 გრადუსამდე) და მუნიციპალიტეტის მთელ ტერიტორიაზე მოსალოდნელია პერიოდულად წვიმა და ელჭექი.

სინოპტიკოსების ინფორმაციით, 13 სექტემბერს გორში უნალექო, მზიანი ამინდია ნავარაუდევი, ჰაერის მაქსიმალური ტემპერატურა კი +23 გრადუსს მიაღწევს.