2025 წელს გორის მერიის ჯანდაცვის პროგრამებით 4 906-ზე მეტმა მოქალაქემ ისარგებლა, რისთვისაც ადგილობრივი ბიუჯეტიდან 2 118 970 ლარი გამოიყო.

როგორც გორის მერიაში აცხადებენ, მუნიციპალიტეტის სოციალური პროგრამა უზრუნველყოფს გორის მუნიციპალიტეტის ტერიტორიაზე რეგისტრირებული მოსახლეობისთვის ჯანდაცვის სერვისების მიწოდებას და ერთჯერადი სოციალური ფულადი დახმარებების გაცემას, რაც ნაწილობრივ, ან საერთოდ არ ფინანსდება სახელმწიფო პროგრამებით.

დახმარებებით სარგებლობა შეუძლიათ მხოლოდ გორის მუნიციპალიტეტის ტერიტორიაზე რეგისტრირებულ მოქალაქეებს. დახმარების მიღების მიზნით, მერიაში წარსადგენი დოკუმენტების შესახებ ინფორმაცია შეგიძლიათ იხილოთ როგორც საკრებულოს შესაბამის დადგენილებაში, ასევე ვებგვერდზე: gori. Gov. ge