ვაჟა-ფშაველას სახელობის გორის №9 საჯარო სკოლა პროექტის - „მეტი შენს ქალაქზე“ გამარჯვებულია.

აქტივობაში გორის მუნიციპალიტეტის საჯარო და კერძო სკოლების მოსწავლეები იყვნენ ჩართულნი, რომლებმაც შიდა ქართლის ისტორიის შესახებ ტესტირებაში მიიღეს მონაწილეობა.

რაც შეეხება საპრიზო ადგილის მფლობელებს, მეორე ადგილზე - №12 საჯარო სკოლის, ხოლო მესამეზე №3 და გორის მუნიციპალიტეტის სოფელ უფლისციხის საჯარო სკოლების გუნდები გავიდნენ.

გამარჯვებულ მოსწავლეებს სიგელები და ფასიანი საჩუქრები გადაეცათ.