საქართველოს მწერალთა კავშირის შიდა ქართლის, ცხინვალისა და ახალგორის ორგანიზაციის ინიციატივით, გორში ლიტერატურულ-მუსიკალური საღამო - „მოდიოდა ნინო მთებით“ გაიმართება.

ღონისძიებას დღეს, 27 იანვარს, ღირსი მამა გიორგი მთაწმინდელის გორის გიმნაზია უმასპინძლებს და 17:00 საათზე დაიწყება.

ორგანიზატორების ინფორმაციით, საღამო საქართველოში ქრისტიანობის გამავრცელებლის წმინდა ნინოს სახელობის დღესასწაულს და ქრისტიანობის გავრცელებიდან 1700 წლის საიუბილეო თარიღს ეძღვნება. ღონისძიების პროლოგად კი საჯარო ლექცია - „მოქცევაჲ ქართლისაჲ“ გაიმართება.

საღამოზე დასწრება თავისუფალია.