გორის თეატრის ცნობილ მსახიობს კახა ბერიძეს ხვალ, 21 მარტს დაკრძალავენ.

მსახიობს საკუთარი სახლიდან (გორი, ცხინვალის გზატკეცილი №9 მე-4 სადარბაზო მე-3 სართული) დაკრძალვის დღეს, თეატრში გადაასვენებენ.

სამოქალაქო პანაშვიდი 11:00 საათიდან დაიწყება. 14:00 საათზე კი მსახიობს კვერნაქის პანთეონში დაკრძალავენ.

აკაკი ხორავას და გიორგი ერისთავის სახელობის ჯილდოების მფლობელი, გორის თეატრის ვარსკვლავოსანი მსახიობი კახა ბერიძე 62 წლის ასაკში გარდაიცვალა. მსახიობი ბოლო წლები ონკოლოგიურ დაავადებას ებრძოდა.