გორის მუნიციპალიტეტის კეთილმოწყობის სააგენტო გორში არსებულ სკვერებსა და გამწვანებულ სივრცეებში საგაზაფხულო სამუშაოებს ახორციელებს.

სამუშაოები ქალაქის მასშტაბით სხვადასხვა ლოკაციაზე, რეკრეაციულ სივრცეებში ტარდება და ამ ეტაპზე დასუფთავება, დაფოცხვა, ხმელი ხეების ჭრა-გადაბელვა, მწვანე ნარგავების შემობარვა და სასუქის შეტანა მიმდინარეობს.

როგორც კეთილმოწყობის სააგენტოში აღნიშნავენ, რეკრეაციული სივრცეების მოწესრიგებასთან ერთად, ირგვება ახალი ნერგებიც. კერძოდ, კვერნაქის ახალი სასაფლაოს მიმდებარედ დაირგო ალვის ხეები და მოეწყო ქარსაცავი ზოლი.