გორის მუნიციპალიტეტის სოფელ ტყვიავში შიდა საუბნო გზის რეაბილიტაცია მიმდინარეობს. ადგილობრივი თვითმმართველობის ინფორმაციით, ამ ეტაპზე, სამუშაოები სანიაღვრეების და გზის საფუძვლის მოსაწყობად ხორციელდება.

რაც შეეხება სარეაბილიტაციო მონაკვეთის სიგრძეს 1 589 მეტრია.

პროექტის მიხედვით მოეწყობა: ტრანსპორტის სავალი ნაწილი, მიერთებები, ეზოში შესასვლელები და სანიაღვრე სისტემა. დამონტაჟდება ​საგზაო ნიშნებიც.

„სამუშაოების დასრულების შემდეგ ადგილობრივებს დაზიანებული გზის საფარით გამოწვეული პრობლემები აღარ შეაწუხებთ. პროექტი, რომლის ღირებულებაც 400 ათას ლარზე მეტია, რეგიონებში განსახორციელებელი პროექტების ფონდის თანადაფინანსებით ხორციელდება“, - აცხადებენ მერიაში.