საზოგადოება
13.04.2020 09:54
გორის ცხელების ცენტრში მოთავსებულ საეჭვო სიმპტომების მქონე 3 პაციენტს Covid 19-ით ინფიცირება არ დაუდასტურდა
გორის ცხელების ცენტრიდან საეჭვო სიმპტომების მქონე 3 პაციეტის ნიმუშებზე პასუხები უარყოფითია. ,,გორმედის“ ქსელის გენერალური დირექტორის, ვასილ ჭეიშვილის ინფორმაციით, კორონავირუსით ინფიცირება არცერთ მათგანს არ დაუდასტურდა.
სამივე პაციენტი ცხელების ცენტრში გორის მუნიციპალიტეტის სხვადასხვა ტერიტორიიდან გუშინ შეიყვანეს. არსებული სიმპტომების გათვალისწინებით მიღებული გადაწყვეტილებით, სამივე მათგანის ნიმუშები ლუგარის ლაბორატორიაში გაიგზავნა.
უარყოფითი პასუხები კლინიკას წუხელ გვიან ღამით მიაწოდეს.
უკვე მესამე კვირაა შიდა ქართლში ე.წ. ცხელების სამი ცენტრი მოქმედებს - გორში, ქარელსა და ხაშურში. ამ დრომდე, ცხელების ცენტრებიდან ლაბორატორიაში გაგზავნილ ყველა ნიმუშზე პასუხები უარყოფითია.
