15 მაისს გორში უფასო სამედიცინო აქცია გაიმართება. მოქალაქეების მომსახურებას ნიქოზის პირველადი ჯანდაცვის ცენტრის მობილური სკრინინგ ცენტრი უზრუნველყოფს.

გორის საზოგადოებრივი ჯანდაცვის ცენტრის ინფორმაციით, დაინტერესებულ პირებს შესაძლებლობა ექნებათ, ისარგებლონ შემდეგი კვლევებით: ძუძუს კიბოს სკრინინგი (40-70 წლის ქალებისთვის); საშვილოსნოს ყელის კიბოს სკრინინგი (30-60 წლის ქალებისთვის); კოლორექტული კიბოს სკრინინგი (50–70 წლის ქალებისა და მამაკაცებისთვის); B და C ჰეპატიტი და აივ/შიდსი ტესტირება; ჰიპერტენზიის (არტერიული წნევის) სკრინინგი.

სამედიცინო მომსახურების მისაღებად მსურველებმა გორის საზოგადოებრივი ჯანდაცვის ცენტრს (სტალინის გამზირი N2) 10:00-დან 18:00 საათამდე უნდა მიმართონ, რეგისტრაციისთვის კი ტელეფონის ნომრებზე: 599 26 04 27; 592 95 01 50; 599 74 30 47; 599 54 98 89 დარეკონ.