საზოგადოება
18.05.2020 12:11
გორის მუნიციპალიტეტის სკოლამდელი აღზრდის სააგენტომ აღსაზრდელებზე საკვები პროდუქტების გაცემის მეხუთე ეტაპი დაიწყო
გორის მუნიციპალიტეტის ტერიტორიაზე მოქმედ საბავშვო ბაგა-ბაღებში აღსაზრდელებისთვის განკუთვნილი პროდუქტების გაცემის მეხუთე ეტაპი დაიწყო. აღნიშნულის შესახებ Gmnews-ს სკოლამდელი აღზრდის სააგენტოში დაუდასტურეს. როგორც ცნობილია, თითოეული საბავშვო ბაღიდან მშობლებს დაუკავშირდებიან და პროდუქტების გატანის ვადებზე ინდივიდუალურად შეუთანხმდებიან.
გორის მუნიციპალიტეტის ტერიტორიაზე მოქმედ სკოლამდელი აღზრდის დაწესებულებებში 6000-მდე აღსაზრდელი სწავლობს. თითოეულ ბავშვზე გათვალისწინებული სასურსათო პაკეტის გადაცემა, წინა ეტაპების მსგავსად, იმ საბავშვო ბაღებში განხორციელდება, სადაც აღსაზრდელი ირიცხება.
