2020 წლის 15 ივნისიდან ს.ს.ი.პ. გიორგი აბრამიშვილის სახელობის საქართველოს თავდაცვის სამინისტროს სამხედრო ჰოსპიტალი პაციენტების მირებას განაახლებს, - აღნიშნულის შესახებ ინფორმაციას დაწესებულების ადმინისტრაცია ავრცელებს.  

„ჰოსპიტალში შესვლამდე ყველა პირს ჩაუტარდება თერმოსკრინინგი, შიდა პერიმეტრზე კი, პაციენტები ვალდებულნი არიან დაიცვან სოციალური დისტანცია და ატარონ პირბადეები“, - აცხადებენ თავდაცვის სამინისტროს სამხედრო ჰოსპიტალში.

შეგახსენებთ, რომ ახალი კორონავირუსის COVID-19-ის შესაძლო შემთხვევების პრევენციის მიზნით, 2020 წლის 28 თებერვლიდან საქართველოს მთავრობის შესაბამისი განკარგულების თანახმად, სამხედრო ჰოსპიტალში საკარანტინო სივრცე ფუნქციონირებდა.