ყველა სტუდენტი, რომელიც არის სოციალურად დაუცველი და არის 150 ქულამდე კატეგორიაში, მიიღებს სახელმწიფოს მხრიდან 2020-2021 სასწავლო წლის ერთი სემესტრის სრულ ანაზღაურებას, - აღნიშნულის შესახებ პრემიერ-მინისტრმა გიორგი გახარიამ მთავრობის სხდომაზე განაცხადა.

პრემიერ-მინისტრმა, ასევე, აღნიშნა, რომ ამავე კატეგორიის სოციალურად დაუცველ სტუდენტებს, რომლებსაც სწავლის საფასურის გადაუხდელობის გამო სტუდენტის სტატუსი აქვთ შეჩერებული, ერთი წლის სწავლის საფასური დაუფინანსდებათ და სტატუსის აღდგენას შეძლებენ.

საერთო ჯამში, აღნიშნული შეღავათებით საქართველოში 33 000-ზე მეტი სტუდენტი ისარგებლებს.