საზოგადოება
28.09.2020 10:56
საქართველოში კორონავირუსის 298 ახალი შემთხვევა გამოვლინდა, გამოჯანმრთელდა 148 პაციენტი
გასული 24 საათის განმავლობაში, კოვიდ-19 კიდევ 298 პირს დაუდასტურდა, - ინფორმაციას აღნიშნულის შესახებ მთავრობის მიერ სპეციალურად შექმნილი ვებ.გვერდი stopcov.ge ავრცელებს.
ვებ.გვერდის ცნობით, ამ დროისთვის ინფიცირების შემთხვევების საერთო რაოდენობა 5552-ს შეადგენს.
რაც შეეხება გამოჯანმრთელებულებს, ოფიციალური ინფორმაციის თანახმად, გასული დღე-ღამის განმავლობაში კორონავირუსი 148 პაციენტმა დაამარცხა და მთლიანობაში, მათი რაოდენობა 2054-ა.
კარატინის რეჟიმშია 5637 მოქალაქე, სტაციონარში მეთვალყურეობის ქვეშ კი - 836 პირი.
უცხოეთიდან სამკურნალოდ გადმოყვანილია საქართველოს 41 მოქალაქე.
ქვეყანაში, კორონავირუსის დიაგნოზით 30 პაციენტი გარდაიცვალა.
