უწყებათაშორისი საკოორდინაციო საბჭოს გადაწყვეტილებით, ქვეყნის მასშტაბით სპორტული დარბაზები 15 მარტიდან გაიხსნება და წინასწარ განსაზღვრული რეგულაციების დაცვით განაგრძობს ფუნქციონირებას, - ამის შესახებ უწყებათაშორისი საკოორდინაციო საბჭოს სხდომის დასრულების შემდეგ პრემიერ-მინისტრმა, ირაკლი ღარიბაშვილმა განაცხადა.

დღესვე, ცნობილი გახდა, რომ თეატრები, სპორტული კლუბები, პროფესიული ანსამბლები რეპეტიციების და ვარჯიშის განახლებას 15 მარტიდან შეძლებენ, საქმიანობას სრულად მაყურებლების დასწრებით 1-ლი აპრილიდან იქნება შესაძლებელი.

უწყებათაშორისი საკოორდინაციო საბჭოს გადაწყვეტილებით, ძალაში რჩება ე.წ. კომენდანტის საათი. ხვალიდან კი იხსნება საქალაქთაშორისო ტრანსპორტის გადაადგილებაზე დაწესებული შეზღუდვა.