ბოლო ორი დღის განმავლობაში, „იავნანას“ სამშობიაროში ათი ბავშვი დაიბადა, - ამის შესახებ ინფორმაციას დედათა და ბავშვთა სამედიცინო ცენტრი ავრცელებს. როგორც „გორის მაცნეს“ კლინიკის სამეანო დეპარტამენტის ხელმძღვანელმა, ვასიკო სიმონიამ განუცხადა, ყველა ახალშობილი თავს კარგად გრძნობს და დედასთან ერთად, „იავნანას“ უახლოეს ორ დღეში დატოვებს.

სიმონიას თქმით, მშობიარეთა ნაწილი გორის მუნიციპალიტეტის მცხოვრებია, ნაწილი კი - ხაშურსა და ქარელში ცხოვრობს.

როგორც კლინიკის ადმინისტრაციაში აცხადებენ, ყოველწლიურად „იავნანაში“ ათასამდე ბავშვი იბადება.