ინტენსიური თოვის და ძლიერი ქარის გამო, აშშ-ის ჩრდილო-დასავლეთ ნაწილში - დაკოტას, მინესოტასა და უისკონსინის შტატებში გადაიდო ავიარეისები და ასობით სკოლაში სასწავლო პროცესი შეჩერდა.

ამ დროისთვის არსებული ინფორმაციით, გადადებული ავიარეისების რაოდენობა 1700-ს აჭარბებს.

ქვეყნის ცალკეულ შტატებში თოვლის საფარმა 60 სანტიმეტრს მიაღწია, რამაც გზებზე გადაადგილების სერიოზული პრობლემა შექმნა.

ამერიკის შეერთებული შტატების გარემოს შემსწავლელი სააგენტოს ინფორმაციით, რამდენიმე შტატში უამინდობა კიდევ 2-3 დღის განმავლობაში შენარჩუნდება.