მიმდინარე კვირის განმავლობაში საქართველოს ტერიტორიაზე მოსალოდნელია ჰაერის ტემპერატურის მომატება (თბური ტალღა). ცალკეულ დღეებში, დასავლეთ საქართველოს დაბლობში ჰაერის ტემპერატურამ შესაძლებელია  +37,  +39◦C, აღმოსავლეთ საქართველოს ბარში  +39,  +41◦C-ს მიაღწიოს, - ნათქვამია გარემოს ეროვნული სააგენტოს მიერ გავრცელებულ ინფორმაციაში.

სააგენტოს ინფორმაციით, ქვეყნის მთიან რაიონებში დღის მაქსიმალური ტემპერატურა  +33,  +38◦C, მაღალმთაში  +28,  +33◦C მდე მოიმატებს და მოსალოდნელი მაღალი ტემპერატურები სითბური სტრესის, ტყის ხანძრების და მყინვარების დნობასთან დაკავშირებული პროცესების გააქტიურებას შეუწყობს ხელს.