საზოგადოება
18.10.2023 17:25
საქართველოს პრეზიდენტის იმპიჩმენტის საკითხი პარლამენტში არ შედგა, სალომე ზურაბიშვილის გადაყენებას მხოლოდ 86-მა დეპუტატმა დაუჭირა მხარი
საქართველოს პარლამენტი დღეს პრეზიდენტის იმპიჩმენტის საკითხს განიხილავდა, თუმცა, სალომე ზურაბიშვილის იმპიჩმენტი ვერ შედგა.
პრეზიდენტის იმპიჩმენტის წესით თანამდებობიდან გადაყენებას პარლამენტის 86-მა წევრმა დაუჭირა მხარი.
წინააღმდეგი პარლამენტის 1 წევრი იყო, შესაბამისად, ზურაბიშვილი პრეზიდენტის პოსტზე დარჩა.
პარლამენტის რეგლამენტის თანახმად, იმპიჩმენტს თუ პარლამენტის 100 დეპუტატი არ დაუჭერს მხარს, საკითხი მოხსნილად ითვლება. იმპიჩმეტის საკითხის ჩავარდნის შემდეგ, დაუშვებელია იმავე ბრალდების ხელახლა წარდგენა.
ცნობისთვის იმპიჩმენტის იმიციატორი ,,ქართული ოცნება" იყო, ზურაბიშვილი ქვეყნის უმაღლესი კანონის - საქართველოს კონსტიტუციის დარღვევაში დაადანაშაულეს.
