საზოგადოება
01.11.2023 15:49
გორელი მოსწავლეებისთვის ინგლისური ენის უფასო კურსები დაიწყო
გორის განვითარების სააგენტომ გერმანელ მოხალისეებთან ერთად, გორელი მოსწავლეებისთვის ინგლისური ენის უფასო კურსები დაიწყო.
სააგენტოს ცნობით, მოსწავლეებისთვის უცხოური ენის შესწავლა ორიგინალური აქტივობებით მოხდება.
გაკვეთილები ტურიზმის საინფორმაციო ცენტრის საკონფერენციო დარბაზში, კვირაში ორჯერ ჩატარდება.
კურსის ხანგრძლივობა სამ თვეს გასტანს, რის შემდეგაც სააგენტო კურსს ახალი მონაწილეებით დააკომპლექტებს. ამჟამად, ენის შემსწავლელ კურსებს ოცი (13-დან 18 წლამდე) ახალგაზრდა გადის.
პროექტს გორის მუნიციპალიტეტის განვითარებისა და ტანისა და თეძმის დაცული ლანდშაფტის მართვის სააგენტო, გერმანულ პარტნიორ ორგანიზაციასთან ერთად, ევროპის სოლიდარობის კორპუსის (ESC) პროგრამის მიერ მხარდაჭერილი პროექტის: „აღმოაჩინე კავკასია“ ფარგლებში ახორციელებს.
