ჭაბუკთა შორის გამართულ საქართველოს ჩემპიონატზე ძიუდოში, გორელმა სპორტსმენებმა სამი - ოქროს, ერთი - ვერცხლის და ერთი ბრინჯაოს მედალი მოიპოვეს.

გორელთაგან ქვეყნის ჩემპიონის ტიტული ლუკა დათაშვილმა (60 კგ.), გიორგი ზურაბაშვილმა (81 კგ.) და იოანე აბალაკმა (+ 90 კგ.) მოიპოვეს.

ვერცხლის მედალს ნოდარ კობალაძე (+90 კგ.) დაეუფლა, მალხაზ შატაკიშვილი (90 კგ.) კი ჩემპიონატის ბრინჯაოს პრიზიორია.

მედალოსანი სპორტსმენებიდან იოანე აბალაკი ძიუდოს კლუბ „გორიჯვრის“ წარმომადგენელია. დანარჩენები კი გურამ პაპიტაშვილის სახელობის გორის ჭიდაობის კომპლექსური სპორტული სკოლის ძიუდოისტები არიან.