17-18 თებერვალს გორელი მოჭიდავე გენო პეტრიაშვილი ევროპის ჩემპიონატზე იასპარეზებს.

შეჯიბრს რუმინეთის დედაქალაქი ბუქარესტი მასპინძლობს.

გორის მუნიციპალიტეტის სპორტის განვითარებისა და ხელშეწყობის სააგენტოს ინფორმაციით, ამჯერად, ოქროს მედლისთვის ბერძნულ-რომაული სტილით მოჭიდავეები ასპარეზობენ.

რაც შეეხება გორელ ფალავანს, გენო პეტრიაშვილი პირველ შეხვედრებს 17 თებერვალს გამართავს, 18 თებერვალს კი ფინალური ბლოკის პაექრობებია დაგეგმილი.

შეგახსენებთ, გენო პეტრიაშვილი 10 წელზე მეტია არაერთ ევროპის, მსოფლიოს თუ ოლიმპიურ თამაშებზე წარმატებით ასპარეზობს. გასულ წელს ხორვატიის დედაქალაქ ზაგრებში გამართულ ევროპის ჩემპიონატზე გორელმა მოჭიდავემ ვერცხლის მედალი მოიპოვა.