გორის მუნიციპალიტეტის სოფელ არაშენდის სიახლოვეს მდებარე მთის ფერდობზე საცხენოსნო დოღი გაიმართა.

წლევანდელი ღონისძიება აგვისტოს ომის დროს დაღუპული შინდისის გმირების ხსოვნას მიეძღვნა და შეჯიბრში საქართველოს რეგიონებიდან ჩამოსული ცხენოსნები სხვადასხვა დისტანციაზე ეჯიბრებოდნენ ერთმანეთს.

გამარჯვებულებს მედლები, თასები და ფულადი ჯილდოები გადაეცათ.

საცხენოსნო დოღი, რომლის მიზანი ცხენოსნობის პოპულარიზაცია და სპორტის ამ სახეობით მეტი ახალგაზრდის დაინტერესებაა, გორის მუნიციპალიტეტის მერიის და შშმ პირთა სარეაბილიტაციო სპორტულ-გამაჯანსაღებელი საცხენოსნო კლუბი „კენტავრის“ თანადაფინანსებით, შიდა ქართლის სამხარეო ადმინისტრაციის მხარდაჭერით ჩატარდა.