სპორტი
09.09.2024 12:52
გორელმა სუმოისტებმა მსოფლიოს ჩემპიონატზე ბრინჯაოს მედლები მოიპოვეს
გორელი სუმოისტი ბადრი ხატისკაცი მსოფლიოს ჩემპიონატის ბრინჯაოს პრიზიორია.
სპორტსმენი აბსოლუტურ წონით კატეგორიაში (დიდები) ასპარეზობდა.
აზერბაიჯანელი და ბრაზილიელი მოწინააღმდეგეები დაამარცხა, პოლონეთის წარმომადგენელთან წააგო, ბრინჯაოს მედლისთვის კი უნგრელ სპორტსმენს შეხვდა და მესამე ადგილი დაიკავა.
მსოფლიოს ჩემპიონატზე კიდევ ერთი გორელი სუმოისტი დავით აბალაკი მონაწილეობდა.
სპორტსმენი მძიმე წონაში (18 წლამდელები) ბრინჯაოს მედალს დაესაკუთრა.
აღსანიშნავია, რომ საქართველოს ნაკრებმა ორივე ასაკობრივ კატეგორიაში გუნდური მესამე ადგილი დაიკავა.
ორივე სუმოისტი ამჟამად შოთა ჩოჩიშვილის სახელობის გორის კომპლექსურ სპორტულ სკოლაში ვარჯიშობს და მათი პირადი მწვრთნელი მერაბ პაიჭაძეა.
მსოფლიოს ჩემპიონატი პოლონეთის ქალაქ კროტოსუნში ჩატარდა.
