სპორტი
04.02.2025 12:55
სამბოში გამართულ საქართველოს პირველობაზე გორელმა სპორტსმენმა გოგონებმა ორი მედალი მოიპოვეს
სამბოში გამართული საქართველოს პირველობა გორელმა სპორტსმენმა გოგონებმა ორი მედლით დაასრულეს.
მოპოვებული მედლებიდან ერთი - ოქროს, ერთი კი ბრინჯაოს სინჯისაა.
გამარჯვებული გურამ პაპიტაშვილის სახელობის გორის ჭიდაობის კომპლექსური სპორტული სკოლის წარმომადგენელი ქრისტინე მაზანაშვილი (50 კგ.) გახდა (მწვრთნელი მარი მახარაშვილი).
ბრინჯაოს მედალს კი თამარ ბეგლარაშვილი (59 კგ. მწვრთნელები: ქართლოს პავლიაშვილი, ჯემალ ხორბალაძე) დაეუფლა, რომელიც შოთა ჩოჩიშვილის სახელობის გორის კომპლექსური სპორტული სკოლის სპორტსმენია.
საქართველოს პირველობა თბილისში ჩატარდა. შეჯიბრი კადეტებს და ახალგაზრდებს შორის მიმდინარეობდა.
