გიორგი ერისთავის სახელობის თეატრში პატარა მაყურებელთან შესახვედრად ემზადებიან. დღეს - 16, 17 და 18 ოქტომბერს იაკობ გოგებაშვილის ნაწარმოების მიხედვით დადგმული თოჯინური სპექტაკლის - „იავნანამ რა ჰქმნა“ პრემიერაა დაგეგმილი.

რეჟისორების - ნიკოლოზ საბაშვილის და ლევან ხაზიურის დადგმულ წარმოდგენაში მარიამ საათაშვილი, ნათია ტატულაშვილი, გიორგი ჩოჩნიძე, კობა კოპაძე, ზვიად მაღალაშვილი, მერაბ ჭანკოტაძე, ლევან ჯამბრიშვილი, მზიკა ტურაშვილი და ამირან ქაჩიბაია მონაწილეობენ.

სპექტაკლის ჩვენება 18:00 საათზე დაიწყება.

შეგახსენებთ, გორის თეატრმა 181-ე შემოქმედებითი სეზონი გუშინ, 15 ოქტომბერს, საპრემიერო სპექტაკლით - „მთებმა დახუჭეს თვალები“ გახსნა.

ვაჟა-ფშაველას უკანასკნელი დღეების ქრონიკა რეჟისორმა ნიკოლოზ ჰაინე-შველიძემ გააცოცხლა.