კულტურა
29.04.2026 13:37
„შვლის ნუკრის ნაამბობი“ - გ. ერისთავის სახელობის თეატრში თოჯინური სპექტაკლის ჩვენება გაიმართება
გიორგი ერისთავის სახელობის თეატრში პატარა მაყურებელთან შესახვედრად ემზადებიან. 3 მაისს თოჯინური სპექტაკლის - „შვლის ნუკრის ნაამბობის“ ჩვენებაა დაგეგმილი.
„ვაჟა-ფშაველას ამაღელვებელი პოემა სცენაზე ცოცხლდება თოჯინური ფორმით - სცენა, სადაც თითოეული თოჯინა თითქოს სიტყვას ამბობს, თითოეული სინათლე - გრძნობას ჰყვება.
სპექტაკლი განკუთვნილია როგორც ბავშვებისთვის, ასევე, მშობლებისთვის, მასწავლებლებისთვის და ვაჟას შემოქმედების მოყვარულთათვის“, - აღნიშნავენ თეატრში.
რეჟისორების ნიკოლოზ საბაშვილის და ლევან ხაზიურის დადგმულ წარმოდგენაში მარიამ საათაშვილი, ნათია ტატულაშვილი, გიორგი ჩოჩნიძე, კობა კოპაძე, ზვიად მაღალაშვილი, მერაბ ჭანკოტაძე, ლევან ჯამბრიშვილი და მაღი არღუთაშვილი მონაწილეობენ.
წარმოდგენა 18:00 საათზე დაიწყება.
დაინტერესებულ მაყურებელს ბილეთების შეძენა თეატრის სალაროში და საიტზე: biletebi. Ge შეუძლია.
