შოთა ჩოჩიშვილის სახელობის გორის კომპლექსური სპორტული სკოლის ვაჟ ხელბურთელთა გუნდი საქართველოს ჩემპიონატის ფინალშია.

გორის მუნიციპალიტეტის სპორტის განვითარებისა და ხელშეწყობის სააგენტოს ინფორმაციით, გორელებმა აღმოსავლეთ ზონაში გამოსვლა ორი მოგებით (თბილისის №16 საჯარო სკოლა; „კორიდა“) და ერთი მარცხით (თბილისის №127 საჯარო სკოლა) დაასრულეს, თუმცა ბურთების სხვაობით პირველ ადგილზე გავიდნენ.

ლაშა შემშენოვის და გია მამაცაშვილის ხელმძღვანელობით, საქართველოს ჩემპიონატზე გორის გუნდი შემდეგი შემადგენლობით ასპარეზობდა: გაბრიელ გასიტაშვილი, გიორგი გალუსტაშვილი, გიორგი გორგიშელი, საბა მაზმიშვილი, ნიკოლოზ წერეთელი, დემეტრე მახარაშვილი, იოსებ ხუბულაშვილი, გუგა გვიმრაძე, თამაზ მახოხაშვილი, მათე ღერკენაშვილი და დათი ტერტერაშვილი.

ცნობისთვის, საქართველოს ჩემპიონატის ფინალური ეტაპი 18-20 მაისს ჩატარდება და ვაჟ ხელბურთელთა გორის გუნდთან ერთად, გოგონათა გუნდიც იასპარეზებს.