ადგილობრივი ახალგაზრდების მონაწილეობით პროექტის - „მე ჩემი ქალაქის პატრიოტი ვარ“ ფარგლებში, ღონისძიება გაიმართა.

მუსიკალურ საღამოს ვანო მურადელის სახელობის გორის სამუსიკო სკოლამ უმასპინძლა, რომელშიც ადგილობრივი შემოქმედებითი ანსამბლები, შემოქმედებითი წრეების მოსწავლე-ახალგაზრდები, ასევე დედაქალაქიდან მოწვეული მწერლები და მომღერლები მონაწილეობდნენ.

როგორც ღონისძიების ორგანიზატორებმა აღნიშნეს, პროექტის მიზანი საქართველოს მასშტაბით არსებული შემოქმედებითი წრეების მოსწავლე-ახალგაზრდების უნარების წარმოჩენა და ღონისძიებებში მათი აქტიური ჩართვაა.

ცნობისთვის, პროექტს - „მე ჩემი ქალაქის პატრიოტი ვარ“, „საზოგადოებრივი აზრის ასოციაცია-ინსტიტუტი“ საქართველოს კულტურის სამინისტროსთან და „შემოქმედებით საქართველოსთან“ ერთად ახორციელებს.