როგორ შევამციროთ ანგარიშებზე უნებართვო წვდომის რისკი და როგორ უნდა დავიცვათ პერსონალური ინფორმაცია - ციფრული მმართველობის სააგენტო მოქალაქეებს რეკომენდაციებს სთავაზობს.

როგორც სააგენტოში აღნიშნავენ, კიბერუსაფრთხოების კუთხით, ანგარიშებისა და პერსონალური ინფორმაციის დაცვის ერთ-ერთი ყველაზე მნიშვნელოვანი საშუალება ძლიერი პაროლია. ძლიერი და უნიკალური პაროლი კი მნიშვნელოვნად ამცირებს ანგარიშზე უნებართვო წვდომის რისკს.

„როგორი უნდა იყოს ძლიერი პაროლი - პაროლის შექმნისას გამოიყენეთ მინიმუმ 12 სიმბოლო;

გამოიყენეთ დიდი და პატარა ასოები, ციფრები და სპეციალური სიმბოლოები;

სხვადასხვა ანგარიშისთვის გამოიყენეთ განსხვავებული პაროლები;

მოერიდეთ მარტივად გამოსაცნობ ინფორმაციას, მაგალითად სახელს, დაბადების თარიღს ან მარტივ კომბინაციებს;

პაროლის გაჟონვის ან საეჭვო აქტივობის შემთხვევაში დაუყოვნებლივ შეცვალეთ პაროლი“, - აცხადებენ ციფრული მმართველობის სააგენტოში.