28 სექტემბერი მდიდარია ისტორიული მოვლენებით როგორც საქართველოში, ისე მთელ მსოფლიოში. ამ დღეს უკავშირდება უძველესი ქართული დღესასწაული, უმნიშვნელოვანესი სამეცნიერო აღმოჩენები და გარდამტეხი პოლიტიკური თუ სამხედრო მოვლენები.

28 სექტემბერს მართლმადიდებლური ეკლესია მოიხსენიებს წმინდა იოსებ ალავერდელს - საქართველოში მოღვაწე 13 ასურელ მამათაგან ერთ-ერთს. სწორედ ამ დღეს იწყება ტრადიციული სახალხო-რელიგიური დღესასწაული ალავერდობა, რომელიც კახეთში, ალავერდის ტაძრის მიმდებარედ იმართება.

ძვ. წ. 48 წელი - რომაელი მხედართმთავარი და პოლიტიკოსი პომპეუს დიდი, იულიუს კეისართან სამოქალაქო ომში დამარცხების შემდეგ, ეგვიპტის სანაპიროზე გადასხდომისას მეფე პტოლემეუს XIII-ის ბრძანებით მოკლეს.

1066 წელი - ნორმანდიის ჰერცოგი ვილჰელმი (უილიამ დამპყრობელი) თავისი ჯარით ინგლისის სანაპიროზე, სუსექსში გადმოჯდა, რითაც დაიწყო ინგლისის ნორმანდიული დაპყრობა.

1781 წელი - იორკტაუნის ალყა - ამერიკის რევოლუციური ომის დროს, ჯორჯ ვაშინგტონისა და ფრანგების გაერთიანებულმა ძალებმა დაიწყეს იორკტაუნის ბრძოლა, რამაც საბოლოოდ ბრიტანელების კაპიტულაცია და ომის ბედი გადაწყვიტა.

1939 წელი - მეორე მსოფლიო ომის დასაწყისში, ნაცისტურმა გერმანიამ და საბჭოთა კავშირმა (სსრკ) ხელი მოაწერეს შეთანხმებას „მეგობრობისა და საზღვრების შესახებ“, რომლითაც საბოლოოდ გაინაწილეს ოკუპირებული პოლონეთის ტერიტორია.

1928 წელი - ალექსანდრ ფლემინგმა ლონდონში მუშაობისას შემთხვევით აღმოაჩინა ობის სოკოს ანტიბაქტერიული თვისებები, რითაც საფუძველი ჩაეყარა პირველ ეფექტურ ანტიბიოტიკს - პენიცილინს.

1994 წელი - ბალტიის ზღვაში ჩაიძირა სამგზავრო გემი „ესტონეთი“, ამ საშინელ საზღვაო კატასტროფას 852 ადამიანის სიცოცხლე ემსხვერპლა.

ცოფთან ბრძოლის მსოფლიო დღე - გაეროსა და ჯანმოს ინიციატივით აღინიშნება ლუი პასტერის (ცოფის ვაქცინის შემქმნელის) გარდაცვალების დღე, რათა ამაღლდეს ცნობიერება ამ საშიში დაავადების პრევენციაზე.

ინფორმაციაზე საყოველთაო ხელმისაწვდომობის საერთაშორისო დღე - იუნესკოს მიერ დაწესებული დღე, რომელიც ხაზს უსვამს მოქალაქეთა უფლებას, თავისუფლად მიიღონ საჯარო ინფორმაცია.