„ციფრული მხარდაჭერის პროგრამის“ ფარგლებში, გორის მუნიციპალიტეტის სკოლამდელი აღზრდის სააგენტოში შეხვედრა გაიმართა.

კომუნიკაციების კომისიის წევრებმა, სააგენტოს თანამშრომლებთან განიხილეს ისეთი მნიშვნელოვანი საკითხები, როგორებიცაა ონლაინუსაფრთხოება - როგორ დავიცვათ პირადი მონაცემები, ვმართოთ პაროლები სწორად და ამოვცნოთ ე. წ. ფიშინგის მცდელობები; ხელოვნური ინტელექტი - AI ტექნოლოგიების გამოყენება ყოველდღიურ საქმიანობასა და სასწავლო პროცესში, შესაძლებლობები, რისკები და ეთიკური სტანდარტები; კრიტიკული აზროვნება - ციფრულ სივრცეში მიღებული ინფორმაციის სანდოობის გადამოწმების პრაქტიკული უნარები და სოციალური პლატფორმების მიზნობრივად გამოყენების შესაძლებლობები.

შეხვედრის დასასრულს, მონაწილეებს სერტიფიკატები გადაეცათ.

შეგახსენებთ, „ციფრული მხარდაჭერის პროგრამა“ პროექტ Log-in Georgia-ს შემადგენელი ნაწილია, რომელიც ინტერნეტიზაციის სახელმწიფო პროგრამის მხარდასაჭერად ტარდება. პროექტი უკვე 20 მუნიციპალიტეტში განხორციელდა და 14 000-ზე მეტი ბენეფიციარია გადამზადებული.