მინი ფეხბურთში გორის მუნიციპალიტეტის პირველობა გაიმართა. აქტივობა სასკოლო სპორტული ოლიმპიადის ფარგლებში ჩატარდა და გოგონათა გუნდები მონაწილეობდნენ.

რაც შეეხება გამარჯვებულებს, გორის №4 საჯარო სკოლის გუნდი ჩემპიონის ტიტულს დაეუფლა. მეორე ადგილი №6 საჯარო სკოლის გუნდმა დაიკავა. გორის მუნიციპალიტეტის სოფელ კარალეთის №2 საჯარო სკოლის გუნდმა კი ასპარეზობა მესამე ადგილით დაასრულა.

სასკოლო სპორტული ოლიმპიადა საქართველოს ბავშვთა და სასკოლო სპორტის ეროვნული ფედერაციის ინიციატივით იმართება.

შეჯიბრი სპორტის 8 სახეობაში ტარდება და მუნიციპალურ, რეგიონულ, აღმოსავლეთ და დასავლეთ საქართველოს თამაშების და დასკვნითი თამაშების ეტაპებს მოიცავს.

გორის მუნიციპალიტეტში სპორტული ღონისძიებების ორგანიზატორია სპორტის განვითარებისა და ხელშეწყობის სააგენტო და ფეხბურთის კლუბი „გორი“.