დღეს, მსოფლიო მედიის ყურადღების ცენტრშია აშშ-ის შუალედური არჩევნების პირველადი შედეგები, სადაც მოულოდნელი და ისტორიული გარდატეხა მოხდა.

ჯორჯიის შტატში არჩევნებში გაიმარჯვა კეიშა ბოტემსმა, რითაც დასრულდა რესპუბლიკელების ორმოცწლიანი მმართველობა ამ შტატში და იგი გახდა პირველი შავკანიანი ქალი გუბერნატორი აშშ-ის ისტორიაში.

აშშ-ის შუალედურ არჩევნებში დემოკრატიულმა პარტიამ კონგრესის ორივე პალატაზე (სენატსა და წარმომადგენელთა პალატაზე) სრული კონტროლი მოიპოვა.

პოლიტოლოგების შეფასებით, შუალედური არჩევნების შედეგები პრეზიდენტ დონალდ ტრამპის პოლიტიკურ კურსზე, განსაკუთრებით კი ირანის ომსა და ცხოვრების გაზრდილ ხარჯებზე ამომრჩეველთა პასუხი იყო.

ეს ისტორიული გარდატეხა რადიკალურად ცვლის ამერიკის პოლიტიკურ რეალობას უახლოესი 2 წლის განმავლობაში:

დემოკრატებს ეძლევათ ძალაუფლება, სრულად დაბლოკონ თეთრი სახლის საკანონმდებლო ინიციატივები, ბიუჯეტის პროექტები და საგარეო პოლიტიკის დაფინანსება.

სენატში უმრავლესობის მოპოვებით, დემოკრატებს შეუძლიათ, უარი უთხრან პრეზიდენტს მის მიერ წარდგენილი მინისტრების, ელჩების და ფედერალური მოსამართლეების (მათ შორის, უზენაესი სასამართლოს წევრების) დამტკიცებაზე.

ახალ კონგრესს უფლება ეძლევა, ოფიციალური საგამოძიებო კომისიები შექმნას ტრამპის ადმინისტრაციის ნაბიჯების გამოსაძიებლად. მათ, ასევე აქვთ პოლიტიკური ბერკეტი, საჭიროების შემთხვევაში, პრეზიდენტის იმპიჩმენტის პროცედურაც კი დაიწყონ.

არჩევნებმა აჩვენა, რომ რესპუბლიკელებმა პოზიციები მათ ტრადიციულ დასაყრდენ შტატებშიც კი დათმეს (ტეხასი, ოჰაიო, კანზასი). გარდა ამისა, ჯორჯიის შტატში პირველად აირჩიეს შავკანიანი ქალი გუბერნატორი - დემოკრატი კეიშა ლენს ბოტემსი

მიუხედავად ყოველივე აღნიშნულისა, დონალდ ტრამპი ინარჩუნებს საპრეზიდენტო ვეტოს უფლებას, რის გამოც, როგორც ექსპერტები ვარაუდობენ, ქვეყანა, სავარაუდოდ, მუდმივი კომპრომისების ძიების რეჟიმში გადავა.

პოლიტიკური ექსპერტების მოსაზრებით, ამერიკულ პოლიტიკაში ოპოზიციური პარტიის მიერ შუალედურ არჩევნებში კონგრესის ორივე პალატის (სენატისა და წარმომადგენელთა პალატის) ერთდროულად მოპოვება იშვიათია და რამდენჯერაც მსგავსი შედეგი დაფიქსირდა, ყოველ ჯერზე ამომრჩევლის მხრიდან თეთრი სახლის კურსის პირდაპირ კრიტიკაზე მიანიშნებდა.