იაპონიის ერთ-ერთი სპა-მუზეუმი მომხმარებლებს ახლიდან დაბადების გამოცდილებას სთავაზობს. იქიდან გამომდინარე, რომ ჩვილობის პერიოდი არცერთ ჩვენგანს ახსოვს, „დედა საუნა“ სწორედ ამ გამოცდილების გაცოცხლებას და სტრესთან ბრძოლის სრულიად ახალ, ექსპერიმენტულ მეთოდს გულისხმობს.

ახალი ტიპის ველნეს-კონცეფცია სახელწოდებით - „დაბრუნება საშვილოსნოში“ ტოკიოში მდებარეობს და ვიზიტორებს 120-წუთიან თერაპიულ სესიას სთავაზობს, რომლის მთავარი მიზანიც ხელახლა დაბადების ეფექტის შექმნაა.  

როგორ მუშაობს „დედის საუნა“? საუნის ოთახი მოწყობილია სპეციალური რბილი, წითელი განათებით და მაღალი ტენიანობით. ფონად ისმის გულისცემის რიტმული ხმა და სითხის მოძრაობის დაბალსიხშიროვანი ბგერები. შემდეგ სტუმრები გადადიან ცივ აუზში, სადაც წყლის ჭავლი და სპეციალური კონსტრუქცია ახალშობილის პირველი დაბანის პროცესის სიმულაციას ახდენს. პროცედურის დასასრულს კი სტუმრებს შეუძლიათ დაისვენონ სპეციალურ სავარძელში, რომელიც ჩვილ ბავშვთა დარწევის რიტმს იმეორებს.

განკუთვნილი სესიის ამოწურვის შემდეგ ვიზიტორებს სიმბოლურად „ხელახლა დაბადების“ ციფრულ სერტიფიკატსაც გადასცემენ. 

დამფუძნებლების თქმით, ეს პროექტი პასუხობს თანამედროვე ტოკიოს მაღალი სტრესის დონეს. სენსორული დეპრივაციისა და ჩვილის მდგომარეობაში დაბრუნების (რეგრესიული თერაპიის) სინთეზი ადამიანებს ეხმარება ქრონიკული დაღლილობის მოხსნასა და აბსოლუტური უსაფრთხოების განცდის აღდგენაში.

საშვილოსნოს სიმულაციური ოთახით სარგებლობის ღირებულება 120-წუთიანი ინდივიდუალური სესიისთვის 8,500 იენს (დაახლოებით 150–165 ლარს) შეადგენს, ხოლო ჯგუფური ჯავშნების შემთხვევაში ფასი თითოეულ ვიზიტორზე კიდევ უფრო მცირდება.