კონფლიქტები
07.06.2022 10:10
ინციდენტების პრევენციისა და მათზე რეაგირების მექანიზმის ფარგლებში, ერგნეთში დღეს მორიგი შეხვედრა გაიმართება
სოფელ ერგნეთში, ინციდენტების პრევენციისა და მათზე რეაგირების მექანიზმის ფარგლებში, დღეეს რიგით 107-ე შეხვედრაა დაგეგმილი.
ამ დროისთვის არსებული ინფორმაციით, შეხვედრის მონაწილეები უკანონო ე.წ. ბორდერიზაციის შემთხვევებს და ყველა იმ ინციდენტს განიხილავენ, რომელიც წინა შეხვედრიდან დღემდე დაფიქსირდა.
საქართველოს ცენტრალური ხელისუფლების წარმომადგენლები დღევანდელ შეხვედრაზე ერთ-ერთ მთავარ საკითხად უკანონოდ დაკავებული საქართველოს მოქალაქეების უპირობოდ გათავისუფლების საკითხს დააყენებენ.
განიხილავენ ჰუმანიტარულ საკითხებსაც, რომელთა შორის ერთ-ერთი, საოკუპაციო რეჟიმის მიერ თავისუფალ გადაადგილებაზე უკანონოდ დაწესებული შეზღუდვაა.
ინციდენტების პრევენციისა და მათზე რეაგირების მექანიზმის ფარგლებში წინა შეხვედრა 12 აპრილს გაიმართა.
