სპორტი
19.09.2022 16:41
გორის მუნიციპალიტეტის სპორტის განვითარებისა და ხელშეწყობის სააგენტომ ახალ სასწავლო წელს მოსწავლეების მიღება დაიწყო
გორის მუნიციპალიტეტის სპორტის განვითარებისა და ხელშეწყობის სააგენტომ ახალი სასწავლო წლის დაწყებასთან დაკავშირებით მოსწავლეების მიღება დაიწყო.
სააგენტო ახალგაზრდებს სპორტის ცხრამეტი სახეობის შესწავლას უფასოდ სთავაზობს, აღნიშნული სახეობებია: ძიუდო, თავისუფალი ჭიდაობა, კრივი, კარატე, კალათბურთი, ხელბურთი, ფრენბურთი, ტაეკვანდო, კიკბოქსინგი, ტანვარჯიში, ძალოსნობა, მძლეოსნობა, მეკლდეურობა, ჩოგბურთი, მკლავჭიდი, ჭადრაკი, რაგბი, ქართული ჭიდაობა, სამბო.
სააგენტოს მიერ გავრცელებული ინფორმაციით, სასწავლო პროცესს უძღვებიან დამსახურებული მწვრთნელები, სპორტის აღიარებული და გამოცდილი სპეციალისტები.
სპორტული სახეობების შესწავლის მსურველებმა უნდა მიმართონ სპორტის განვითარებისა და ხელშეწყობის სააგენტოს მისამართზე: გორი, სტალინის ქუჩა #11.
